Më shumë se 70 persona kanë humbur jetën ndërsa dhjetra të tjerë janë plagosur si pasojë e zjarrit që përfshiu një ndërtesë pesëkatëshe në Johanesburg, qyteti më i madh i Afrikës Jugore.
Në mesin e viktimave janë identifikuar edhe fëmijë ndërsa vijon operacioni i kërkim shpëtimit.
ROBERT MULAUDZI
ZEDHENES I SHERBIMIT EMERGJENT
“Aktualisht janë 73 të vdekur. Ndërkohë 52 persona të plagosur janë dërguar në spitale për të marrë shërbimin mjekësor. Zjarri tashmë është shuar dhe vijon operacioni i kërkimit. Është ngjarje shumë e rëndë, numri i viktimave mund të jetë edhe më i lartë.”
Ende nuk është e qartë se çfarë e ka shkaktuar zjarrin ndërsa mendohet se në ndërtesën shumëkatëshe jetonin të paktën 200 persona kryesisht migrantë afrikanë dhe të pastrehë që ishin vendosur aty pa ndonjë marrëveshje kontrate formale.
Këto rrethana e kanë vështirësuar edhe më shumë kërkimin.
Uzurpimi i jashtëligjshëm i ndërtesave të papërdorura në qendër të qytetit është i madh dhe thuhet se shumë prej tyre janë nën kontrollin e grupeve kriminale, të cilët marrin qira nga banuesit.
