Konfiskimi i ndërtimeve paleje do të zhvendoset në bregdet. Kryeministri Edi Rama u betua se me operacionin e radhës të ndërmarrë përgjatë 10 viteve të qeverisjes së tij do t’i jepet fund paligjshmërisë në ndërtim. Sërish problemin në luftën pa rezultatet e pritshme kundër cënimit të territorit, e sheh te policia dhe prokurorët që para drejtësisë nuk çojnë shkelësit e mëdhenj të ligjit.
EDI RAMA
KRYEMINISTER I SHQIPERISE
Jemi ndjerë më shumë sesa një herë të turpëruar jo për fajin tonë por për fajin e llumit që vazhdon akoma gëlon në sisitemin e drejtësisë, dhe llumi në drejtësi bashkë më llumin në policinë e shtetit, më ndihmën e prokurorëve te zellshëm se kur vjen puna të ndërtuesit e mëdhënj e mbyllin me para çështjen.
Pastrimi i territorit nga ndërtimet pa leje do t’i prijë sezonit të ardhshëm turistik, përgatitjet për të cilin janë në nisje: së pari me përcaktimin e zonave për lejimin e mjeteve lundruese.
EDI RAMA
KRYEMINISTER I SHQIPERISE
Tragjedia që fatkeqisht nddhi ishte një këmbanë e fortë për këtë punë. Duke pas prapambetjen e madhe në raport me kulturën e detit jemi gjendur natyrshëm, jo thjesht si qeveri apo si struktura shtetëorore por si shoqëri të papërgatitur.
Ende pa u mbyllur zyrtarisht sezoni turistik, kryeministri foli për një verë 2022 surprizuese. Sipas shifrave që referoi Edi Rama, deri në fund të gushtit numri i vizitorëve të huaj është mbi 5 milionë.
EDI RAMA
KRYEMINISTER I SHQIPERISE
Vetëm gjashtë mujorin e parë neve kemi kaluar 1 miliardë të ardhura në ekonomi nga turizmi, pothuajse dyfishin e vitit të mëparshëm. Sot pjesëmarrja në volumin e prgjithshëm bruto është 17 për qind.
Si pika të forta vlerësoi pastërtinë dhe zgjerimin e agro-turizimit. Këtë të fundit e solli në vëmendje për t’iu bërë thirrje edhe një herë atyre të rinjve shqiptarë që braktisin vendin për Britaninë e Madhe që t’i investojnë paratë në hapjen e fermave.
EDI RAMA
KRYEMINISTER I SHQIPERISE
Të gjitha ata që paguajnë nga 30 mijë paund për të marrë ato rrugët e frikshmë duke ia lënë të gjitha kursimet trafikantëve në kërkim të një parajse që nuk kanë për ta gjetur në Angli, me ato 30 mijë paund mund të bëjnë ekonominë e tyre atje në Kukës.
Të dhënat ekonomike të gjeneruara nga kjo verë e bëjnë besim-plotë kryeministrin se në 2030, Shqipëria do të jetë kampionia e turizmit në Ballkanin Perëndimor. Madje Edi Rama parashikon se pas tetë vitesh 30 për qind e prodhimit të brendshëm bruto do ta përbëjë turizmi.
