Një makinë sportive dhe një tjetër më klasike. Të trajtuara deri në detaje, me forma të harkuara, por mjaft të qarta, të veshura bukur, njëlloj si një vepër arti që i flet modernes me gjuhën më praktike. Këto janë dy versionet e reja të Ford Focus, që nga sot I gjeni në showroom-in e Ford.
Dy modelet e 2018-ës kanë një dizajn unik, dhe e kanë përmirësuar aq shumë gamën e fordit sa në këtë gjeneratë të katërt, fjala e fundit e teknologjisë dhe potenciali i makinave ecin paralelisht.
Pika e fortë e modeleve të ri Ford Focus është sipërfaqja e sheshtë për të mbajtur në të ardhmen edhe motor elektrikë. Me sistem atomatik apo manual, kjo zgjedhje është në dorën tuaj. Ashtu siç është në zgjedhjen tuaj edhe mënyra se si do të rrugëtoni. Sepse Ford Focus në modelet e reja ofron tre mundësi rrugëtimi, normale, ekologjike dhe sportive.
Një fazë e rëndësishme në përmirësimin e gamës së Fordit, në dy modelet e reja është edhe konceptimime pesë dyer dhe familjare. Edhe pse me një dizajn minimalist, pasagjerët kanë hapësirë për të përmbushur qëndrim të rehatshëm sado i gjatë të jetë udhëtimi.
Nëse të gjitha këto doni t’i shijoni nga afër, një staf i kualifikuar në shoëroomin e Ford, do t’ju shoqërojë për të eksploruar këtë botë të re që vjen nga gjenerata e katërt e kësaj perandorie makinash.
