Katër persona janë shoqëruar nga Policia e Vlorës, pasi dyshohet se kanë qenë të përfshirë në një rast pengmarrjeje në qytet.
Sipas burimeve policore, të shoqëruarit dyshohet se prej disa ditësh mbanin të izoluar një shtetas në një apartament, me qëllim ushtrimin e presionit për përfitim financiar.
Vizion Plus mëson se personi i marr peng është liruar, ndërsa dyshohet se mbahej në një apartament në zonën pranë rrugës së re.
Ngjarja është ende në fazën hetimore, ndërsa Policia ka nisur veprimet procedurale për dokumentimin e plotë të rastit dhe përcaktimin e përgjegjësive ligjore për secilin prej të shoqëruarve.
Ende nuk ka një njoftim zyrtar të policisë së Vlorës.
/vizionplus.tv
