Autoritetet e huaja të drejtuara nga Europol dhe agjencitë e tjera ligjzbatuese të Europës kanë bllokuar një tjetër aplikacion që përdorej për dërgimin e mesazheve të koduara nga grupe kriminale.
Programi i njohur me emrin MATRIX ishte vendosur për të paktën 3 muaj në monitorim nga autoritetet.
Lexo edhe :
Related Posts
Europol thekson se MATRIX është një shërbim mesazhesh i bërë nga kriminelët për kriminelët.
Ky program u zbulua për herë të parë nga autoritetet holandeze në telefonin e një krimineli të dënuar për vrasjen e një gazetari në vitin 2021.
Madje ekstertët kanë vërtetuar se infrastruktura e kësaj platforme ishte teknikisht më komplekse se platformat e mëparshme si Sky ECC dhe EncroChat.
Themeluesit ishin të bindur se shërbimi ishte superior dhe më i sigurt se aplikacionet e mëparshme të përdorura nga kriminelët. MATRIX përbëhej nga më shumë se 40 serverë në disa vende me serverë të rëndësishëm që gjenden në Francë dhe Gjermani.
Më shumë se 2.3 milionë mesazhe në 33 gjuhë u përgjuan dhe u deshifruan gjatë hetimit.
Mesazhet që u përgjuan lidhen me krime të rënda si trafiku ndërkombëtar i drogës, trafiku i armëve dhe pastrimi i parave.
Zbërthimi i këtyre mesazheve pritet që të nxjerrin në dritë kokat e ktyre grupeve kriminale.
Ka dyshime që ky program të jetë përdorur edhe nga shqiptarë që janë të përfshirë në botën e krimit dhe që jetojnë jashtë vendit.
Kujtojmë se Sky Ecc dhe Encrochat janë dy programe tashmë të bllokuara nga autoritetet ligjzbatuese ku mesazhet e tyre të dërguara nga persnazhe të botës së krimit ka ndihmuar SPAK që të hedhë dritë në linjën e trafikut të drogës kryesisht të kokainës, porositje vrasjesh si dhe shumë krime të tjeta të rënda që kanë tronditur vendin./vizionplus.tv
