Sistemi finlandez i edukimit është konsideruar si një nga më të mirët në botë nga vlerësimet ndërkombëtare, megjithatë autoritetet arsimore kanë vendosur të revolucionalizojnë shkollat. Deri në vitin 2020, vendi ka në plan të heqë dorë nga mësimi i lëndëve individuale si Matematika, Kimia dhe Fizika, dhe në vend të kësaj t’u mësojë nxënësve të studiojnë ngjarje dhe fenomene në një format ndërdisiplinor. Sistemi i ri gjithashtu inkurajon lloje të ndryshme të të mësuarit, të tilla si zgjidhja interaktive e problemeve dhe bashkëpunimi midis grupeve më të vogla, për të ndihmuar në zhvillimin e aftësive të gatshme për karrierë.
Ky projekt tashmë zbatohet në qytetin e Helsinkit dhe aplikohet për nxënësit që janë 16-vjeç e lart. Kreu i Departamentit të Arsimit në Helsinki, Marjo Kyllonen ka shpjeguar ndryshimet duke shtuar se nevojat kanë ndryshuar dhe duhet diçka e arsyeshme për shekullin e 21. ai shpjegon se sistemi aktual arsimor nuk ndihmon në krijimin e së ardhmes, pasi mbështetet në nevojat e së kaluarës. Tashmë rreth 70% e mësuesve në Helsinki kanë kryer trajnimin për sistemin e ri që ka sjellë edhe rritje page për ta, ndërsa ndryshimet e plota në rang vendi pritet të përfundojnë në vitin 2020.
