Dënimi i Ivan Todosijeviç, ish-minisër i administrimit të pushtetit Lokal nga Gjykata e Prishtinës për mohim të masakrës së Reçakut, ka shkaktuar përplasje të ashpëra në Serbi, Prishtinë por edhe në Tiranë.
Presidenti I Serbisë Aleksandër Vuçiç tha para mediave se Masakra e Reçakut është një trillim duke thënë se dënimi I zyrtarëve është i frikshëm.
ALEKSANDER VUÇIÇ
PRESIDENT I SERBISE
“Është e frikshme. Të gjithë anëtarët e Listës Serbe do të përsërisin të njëjtën gjë, dhe unë e përsëris tani – krimin e fabrikuar në Reçak, ku gjithçka u falsifikua nga ai mashtrues me flokë të bardhë, një mashtrues si Ëalker, një mashtures”
Menjëherë pas këtij reagimi, Ministri I Jashtëm ne detyre Gent Cakaj, me anë të një postimi në Twitter u shpreh se masakra e Reçakut nuk do të harrohet kurrë.
Ai u beri thirrje ndërkombetarëve të dënojnë vepra të tilla.
GENT CAKAJ
MISNISTER I PUNEVE TE JASHTME
“Joseph Goebbels e propagandës së Millosheviçit tani është shndërruar në një kampion të mohimit, nënvlerësimit dhe trivializimit të krimeve të luftës. Skandaloze! Aktorët ndërkombëtarë duhet t’I dënojnë vepra të tilla përbuzëse dhe shtrembëruese të së vërtetës që fyejnë viktimat dhe përpjekjet e pajtimit. Masakra e Reçak nuk do të harrohet kurrë!”
Po ashtu, edhe Ministria e Punëve të Jashtme e Kosovës ka dënuar deklaratat e liderëve serbë që po e mohojnë Masakrën e Reçakut.
MINISTRIA E PUNEVE TE JASHTME TE KOSOVES
“Mohimi i Masakrës së Reçakut prej liderëve shtetërorë serbë, në krye me presidentin Aleksandar Vuçiç dhe Ministrin e Jashtëm, Ivica Daçiç, që të dy ish-bashkëpunëtorë të ngushtë të Kasapit të Ballkanit, ish-presidentit të Serbisë, Sllobodan Millosheviç, nuk përbën asgjë as politike dhe as diplomatike, por është thjeshtë qasje fashiste e një shteti fqinj që nuk ka ndryshuar as pas 20 vjetësh”.
Reagimet e ashpra, vijnë pasi gjykata e Prishtinës dënoi ish ministrin e pushtetit lokal në qeverinë e Kosovës, Ivan Todosijeviç, me dy vjet heqje lirie, nën akuzën për “nxitja e urrejtjes dhe përçarjes.
Më 24 mars te ketij vti ai u shpreh se masakra Reçakut ishte një trillium nga terroristët shqiptarë”.todosijevic u shkarkua më 9 prill nga kryeministri i Kosovës, Ramush Haradinaj i cili e cilësoi të patolerueshme një gjuhë e tillë urrejtjeje.
