Ajola Xoxa, bashkëshortja e kryebashkiakut të arrestuar të Tiranës, Erion Veliaj është paraqitur në SPAK ditën e sotme, në zbatim të masës së sigurisë “detyrim paraqitje”.
Xoxa është në hetim nga SPAK për korrupsion pasiv, pastrim të parave e fshehje të pasurisë dhe po hetohet nën masën detyrim paraqitje.
Lexo edhe :
Related Posts
Nga ana tjetër, Erion Veliaj pritet të dalë ditën e sotme para Gjykatës së Apelit, pasi nga paraburgimi i Durrësit ka kërkuar ndryshimin e masës së sigurisë dhe lirimin nga burgu.
Seanca do të zhvillohet në orën 14:00 dhe gjyqtar është Engert Pellumbi.
Përmes avokatëve të tij, kryebashkiaku Veliaj kërkon një masë më të butë sigurie, duke ofruar edhe garanci pasurore, pa përcaktuar një shumë, duke ia lënë në vlerësim gjykatës.
Erjon Veliaj, përmes avokatëve, ka dërguar rekurs edhe në Gjykatën e Lartë për masën e sigurisë, por ende nuk është caktuar data e shqyrtimit dhe trupa gjykuese.
Kryetari i Bashkisë së Tiranës u arrestua më 10 shkurt, pasi SPAK po heton për korrupsion pasiv në 9 raste dhe pastrim parash./vizionplus.tv
