Marrëveshja e naftës Trump-Putin, SHBA-Ukrainës: Mos i sulmoni më rafineritë ose nuk do t’ju japim më informacione
“Delegacioni i Presidentit ukrainas Zelensky dhe përfaqësuesit e Trump u takuan në Miami, në atë që supozohej të ishin bisedime për të diskutuar mënyrat për të bindur Rusinë që t’i jepte fund luftës.
Megjithatë, takimi u ndërpre kur ekipi ukrainas mori lajmin për marrëveshjen e naftës Trump-Putin”, shkruan Financial Times.
Gjatë takimit, Witkoff dhe Kushner i bënë të ditur gjithashtu Kievit se, nëse vendos të vazhdojë bombardimin e rafinerive ruse, inteligjenca amerikane do të ndalojë së ndarë informacion me inteligjencën ukrainase.
Megjithatë, pasi u njoftua marrëveshja Trump-Putin, një zyrtar ukrainas deklaroi se “sulmet do të vazhdojnë”.
Në të vërtetë, disa orë më vonë, autoritetet ruse raportuan një sulm të ri ukrainas ndaj një terminali nafte. Ekipi ukrainas vendosi gjithashtu të kthehej në shtëpi dhe të anulonte raundin e dytë të bisedimeve të planifikuara me Shtetet e Bashkuara.
Ndërkohë si pasojë e sulmit rus në Zaporizhzhia këtë mëngjes, numri i viktimave është rritur në 17. Lajmin e bëri të ditur Administrata Ushtarake Rajonale e Zaporizhzhisë.
Ekipet e shpëtimit arritën të nxirrnin gjallë një grua që kishte mbetur e bllokuar nën rrënoja për më shumë se tetë orë.
