Nuk ka kthim pas. Gara në “Fermën Vip” tashmë i është nënshtruar vrullit të të gjithë elementëve që janë hedhur në lojë, duke dhënë një spektakël përtej të zakonshmes.
Nata e katërmbëdhjetë prime në ekranin e Vizion Plus ishte një dinamit për të gjithë skenarët e mundshëm të parashikuar.
Marjana Kondi dhe Xhesika Polo u renditën në fund të preferencave nga televotimi i publikut, një verdikt që çoi dy konkurrentët në përballje kokë më kokë.
Artistja e madhe e skenës u tërhoq nga gara me të gjithë fisnikërinë që e karakterizon, duke përçuar me emocion vlerat njerëzore që nuk i ka kursyer në asnjë moment të qëndrimit të saj në ” Fermën Vip”. Por edhe pse humbi statusin e fermeres ajo pranoi mundësinë e dytë që i dha Agai.
Marjana Kondi i është bashkuar Valer Kolnikaj-t në Arameras, aty ku do të qëndrojnë deri në një vendim të dytë i cili do të përcaktohet nga vota e publikut.
Ndërkohë në televotim të dyfishtë do të jenë katër konkurrentët që thyen rregullat e fermës. Publiku do të zgjedhë të shpëtojë Albano Bogdon, Florjan Agalliun, Ditea Berishën ose Xhesika Polon, ndërsa Gledis Gegaj shfrytëzoi imunitetin e hajmalisë.
Për ditët në vijim, deri në prime-n e radhës, agai riemëroi Elsa Lilën si kryefermere. “Njishja” do të ndajë shtëpinë dhe privilegjet me Çiljeta Xhilagën.
Ndërsa shtrirja spektakolare e ” Fermës VIP”, nga Tirana në Arameras, me dy protagonistë aspak të ngjashëm me njëri tjetrin, ka çorientuar tërësisht busullën e këtij reality show.
Mos humbisni asnjë detaj në dy kanalet e dedikuara të platformës digjitale Tring, Ferma Vip 1 dhe Ferma Vip 2 si dhe në rrjetet sociale e në kanalin zyrtar të You Tube, Ferma Vip Albania. /vizionplus.tv
