Pas mbërritjes së vaksinave kineze të enjten, qeveria shqiptare është gati të nisë vaksinimin masiv të qytetarëve.
Ministrja e Shëndetësisë, Ogerta Manastirliu përsëriti në “Facebook” objektivin për të imunizuar popullatën kundër koronavirusit brenda 14 muajsh.
“Me 2.1 milionë doza vaksina të kontraktuara tashmë dhe me mbërritjen e 192 mijë dozave bëhemi gati të fillojmë vaksinimin masiv në të gjithë Shqipërinë. Plani ynë është vaksinimi i 500 mijë qytetarëve deri në qershor. I qëndrojmë planit tonë ambicioz për vaksinimin e popullatës brenda 14 muajve.”
