Një 48-vjeçar nga Elbasani është arrestuar, ndërsa djali i tij është proceduar në gjendje të lirë pasi akuzohen për transport mallrash kontrabandë.
Siç bën me dije policia, në kuadër të operacionit “Label Hunt” u vu në pranga shtetasi S. Ç., 48 vjeç, ndërsa u procedua penalisht E. Ç., 20 vjeç, të dy banues në Elbasan.
“Në aksin rrugor “Tiranë-Elbasan”, shërbimet e Policisë kanë ndaluar automjetin me drejtues shtetasin S. Ç. dhe pasagjerë shtetasin E. Ç. Gjatë kontrollit në këtë automjet janë gjetur mallra (veshje, çanta) me vlerë rreth 25 000 euro, të cilat dyshohet se janë kontrabanduar”, thuhet në njoftim.
Nga verifikimet e kryera rezultoi se këta shtetas do i shisnin këto mallra në subjektin në administrim të tyre në Elbasan.
Mallrat u sekuestruan në cilësinë e provës materiale, së bashku me automjetin./vizionplus.tv
