Një aksident është shënuar mbrëmjen e kësaj të shtune në Himarë, ku për pasojë kanë mbetur të plagosur dy persona.
Aksidenti ka ndodhur në Potam për shkak të shpejtësisë së lartë të një makine, e cila u përplas me një motor. Të plagosurit nga përplasja e mjeteve janë nisur me urgjencë drejt spitalit.
Ata janë nën kujdesin e mjekëve sepse kanë marrë fraktura të rënda në trup. Policia, e cila ndodhet në vendin e ngjarjes, ka shoqëruar në komisariat drejtuesin e makinës.
