Një 12-vjeçar në Fier është përplasur këtë të premte nga një makinë tip “Benz”, që drejtohej nga shtetasi me iniciale V.V.
I mitur ishte duke lëvizur me biçikletë në momentin kur është përplasur.
Policia raporton se 12-vjeçari ndodhet në spital nën kujdesin e mjekëve, ndërsa drejtuesi i mjetit është shoqëruar në komisariat.
Fier/Informacion paraprak
Rreth orës 18:10, në lagjen “1 Maji”, Fier, automjeti tip “Benz” me drejtues shtetasin V. V., ka përplasur një shtetas të mitur 12 vjeç, i cili ishte duke udhëtuar me biçikletë.
Shtetasi i mitur ndodhet në spital, në kujdesin e mjekëve, ndërsa shtetasi V. V. u shoqërua në ambientet e Policisë, për kryerjen e veprimeve të mëtejshme procedurale.
Grupi hetimor po punon për përcaktimin e shkaqeve të aksidentit.
