Të gjithë drejtuesit e mjeteve që shkelin rregullat e qarkullimit rrugor, tashmë duhet te mendohen mirë, pasi makina inteligjente e pajisur me radarë automatikë i vëzhgon.

 

 

Kjo pajisje prej një muaji, inspekton të gjitha akset rrugore, që konsiderohen si njolla të zeza për aksidente dhe gjobit të gjithë shkelësit. Ky radar vepron më mënyrë të pavarur duke mos toleruar asnjë qytetar. Vizion Plus ndoqi nga afër punën e rrugorëve, ku brenda një ore u gjobiten afro 50 shkelës.

 

“LUAN LAMI

NJESIA OPERACIONALE PER SIGURINE RRUGORE

 

Radari Police-Cam FM 1, është një pajisje e vitit 2020 që përdoret për matjen e shpejtësisë. Mesatarisht vendosen nga 450 deri në 550 masa administrative në ditë. Gjobat që kapen nga radari janë për shpejtësi tej normave të lejuara, për mosvendosje trë rripit të sigurimit dhe për përdorimin e celularëve.”

 

Lami tregon edhe rrugën që ndjek gjoba nga momenti që regjistrohet nga pajisja. Shkelja niset direkt në serverat e policisë ku më pas printohet nga salla operative.

 

“Pajisja bën dedektimin në mënyrë automatike të pavarur nga punonjësi i policisë, pasi bën regjistrimin dhe kalibrimin në rrugë. Të gjitha shkeljet që konstaton, kalojnë në serverin e policisë. Më pas operatorët që janë atje, plotësojnë proces verbalin e konstatimit të shkeljes dhe i çohet njoftimi në banesë.”

 

Në një muaj punë makina inteligjente ka gjobitur afro 8 mijë qytetarë dhe pjesa më e madhe e tyre janë për shpejtësi jashtë normave të lejuara. Pritet që policisë rrugore ti shtohen edhe radarë të tjerë që do të pozicionohen në disa pika kyçe.

 

 

 

 

Leave a Reply

Your email address will not be published.