Sulmet ajrore izraelite kanë lënë të vdekur të paktën 45 persona, në Deir al-Balah, në Rripin qendror të Gazës. Lajmi njoftohet nga autoritetet vendase, ku theksohet se bombat izraelite shënjestruan tre banesa.
“Dyzet e pesë persona që u vranë nga bombardimet izraelite mbi shtëpitë e tre familjeve në Deir al-Balah u sollën të vdekur në orën e fundit,” thuhet në njoftim.
Forcat izraelite, të mbështetura nga avionë luftarakë që kanë hedhur qindra bomba dhe municione të tjera, janë përfshirë në ditën më të rëndë të luftimeve që nga fillimi i pushtimit të tyre në Rripin e Gazës, tha një komandant i lartë ushtarak izraelit këtë pasdite.
Sipas tij, forcat izraelite po luftojnë në Jabalia, në veri të qytetit të Gazës dhe Shujaya, në lindje të qytetit, dhe tani po luftojnë edhe në Khan Yunis, në pjesën jugore të enklavës palestineze.
