Policia e Shkodrës ka arrestuar ditën e sotme tre persona, pasi u kapën në një lokal ku ushtronin aktivitetin e lojërave të fatit.
Ndërkohë, janë proceduar penalisht 9 persona dhe janë shpallur në kërkim dy pronarët e lokalit, vëllezërit me iniciale L.P. dhe G.P., të cilët e kishin përshtatur ambientin për organizimin e lojërave të fatit dhe përdorimin e lëndëve narkotike.
Operacioni u zhvillua në fshatin Bajzë të Malësisë së Madhe, ku konstatuan aktivitetin e paligjshëm, ku sipas hetimeve, ky subjekt nuk ishte as i regjistruar në organet tatimore.
