Liverpool siguroi kualifikimin për në finalen e UEFA Champions League ku do të gjeje përballe Realin e Madridit me 26 maj në Kiev.
Anglezet u mundën 4 me 2 në ndeshjen e kthimit në Rome, sfide e transmetuar në Vizion Plus e Tring, por ky rezultat mjaftoi për të vijuar më tej pasi kishin fituar me rezultat edhe me te thelle 5 me 2 ndeshjen e parë në Anfilld.
Italianet bënë gjithçka mundën dhe dolën me kokën lart nga ky kompeticion por ndoshta, me keqardhjen e një sfide te parë në Angli ku duhet te kishin bërë me mirë por edhe me zhgënjimin e disa gabimeve individuale të pafalshëm në Olimpiko.
I tillë ishte edhe rasti i golit të parë të shënuar nga Mane, që lindi pas një topi të dhuruar nga Naingolan. 6 minuta më vonë ishte radha e Romës të kishte fat pasi Milner shënoi një autogol në portën e tij. Por në momentin që verdhekuqtë rinisën të besojnë, ishte Xheko që i ndëshkoi me një top të gabuar me koke që shërbeu si assist për Vijnaldum i cili shënoi të dytin për Liverpool në minutën e 25.
Portierët Alison dhe Karius ishin protagonistë të mëdhenj deri në fund të pjesës së parë me disa ndërhyrje vendimtare që mbajtën rezultatin në këto shifra.
Italianet ishin këmbëngulës dhe tepër agresivë edhe në fillimin e pjesës së dytë dhe ia dolën të barazojnë rezultatin me anë të Xhekos. E jo vetëm kaq por po të mos kish qenë për disa pritje te shkëlqyera të Loris Karius do të mund të kishin shënuar shumë shpejt të tjera gola pa lënë mënjanë edhe një penallti të mohuar ndaj Romes për një prekje të topit me dorë nga Arnold.
Goli i trete i skuadrës së Di Franceskos u shënua shumë vonë në minutën e 86, një ekzekutim perfekt i belgut nga distanca, pa vlere më pas edhe penalltia e fituar dhe e transferuar në gol sërish nga Naingolan në minutën e 3 dhe te fundit shtesë sepse nuk pati më asnjë sekondë kohe që italianet të tentonin mrekullinë.
Kështu finalja e madhe e Champions do të jetë Real-Liverpool, duel gjigand pasi spanjollët e kanë fituar 12 herë ndërsa anglezët 5 herë.
