Këngëtarja e njohur Linda Halimi dhe partneri i saj Davon Edwards, janë bërë prindër të një vajzë për herë të parë. Ky ishte një lajm surprizë pasi më parë Linda nuk kishte dhënë asnjë informacion në lidhje me shtatzaninë e saj.
I pari që e publikoi lajmin e ardhjes në jetë të vajzës së tyre ishte Davon, i cili postoi një foto me vogëlushen e sapolindur në ‘Facebook’.
“Ne jemi shumë të lumtur dhe të bekuar të njoftojmë se vogëlushja jonë e parë erdhi në jetë. Ne kemi rënë në dashuri me të dhe mezi presim ta sjellim në shtëpi së shpejti! Partnerja ime ka pasur një shtatzëni shumë të shëndetshme dhe lindje të lehtë. Faleminderit të gjithëve për urimet tuaja! Ju dua, djali juaj D, Lindita, Kaimana”.
Ndërsa këngëtarja duket se pas këtij postimi ka vendosur që të ndajë me fansat disa foto nga shtatzania e saj.
