Ministri i Ekonomisë dhe Kulturës dhe Inovacionit, Blendi Gonxhe, ka konfirmuar një ndryshim të rëndësishëm në detyrën e tij politike.
Ai nuk do të jetë më drejtues politik në qarkun e Dibrës. Për zgjedhjet e ardhshme parlamentare, Gonxhe do të zhvendoset në zonën e Kombinatit, duke u fokusuar tek Njësia 6 e Bashkisë Tiranë.
Në një reagim për Vizion Plus, ai ka theksuar: Po! Angazhimi im politik do të vijojë për Bashkinë Tiranë, Qarku Tiranë, duke u përqendruar tek Njësia 6 (Kombinat).
Gonxhe është vlerësuar për aftësitë e tij në menaxhimin politik dhe përfshirjen në terren. Kujtojmë se më 9 shtator, kryeministri Edi Rama vendosi që Tirana do të kishte 3 drejtues politikë: Erion Veliajn, Ogerta Manastirliu dhe Elisa Spiropali.
