Ministri i Jashtëm i Rusisë, Sergei Lavrov akuzoi Perëndimin se është mësuar të zgjidhë problemet e veta në kurriz të të tjerëve. Lavrov shtoi se Perëndimi po e shtynt rajonin e Lindjes së Mesme në prag të një lufte të madhe, duke çuar në një rritje të terrorizmit dhe fluksit të refugjatëve.
“Tani ne shohim se si anglo-saksonët po e shtyjnë Lindjen e Mesme në prag të një lufte të madhe,” tha Sergey Lavrov, në një diskutim gjatë Ekspozitës dhe Forumit Ndërkombëtar të Rusisë në Moskë.
Lavrov nënvizoi se kjo qasje e përdorur nga Perëndimi është plotësisht e aplikuar edhe në Ukrainë, Irak, Libi si dhe Siri.
“Rezultatet e tjera të një politike të tillë janë rritja e terrorizmit dhe ekstremizmit, fatet e prishura njerëzore, familjet e shkatërruara, flukset e miliona refugjatëve”, shtoi ai.
Ai e konsideroi NATO-n një relike të së kaluarës, duke shtuar se aleanca po shpërndante tentakulat e saj në mbarë botën.
