Të hënën nis kthimi i të gjithë shqiptarëve që për shkak të mbylljes së kufijve nga koronavirusi kanë mbetur në vende të ndryshme të Evropës. Janë me qindra shqiptarë të cilët presin të riatdhesohen pasi e kanë të pamundur financiarisht që të vazhdojnë qëndrimin nëpër Evropë.
Kthimi në atdhe do të jetë falas dhe çdo fluturim do të kryhet nga “Air Albania”.
Kreu i qeverisë e shfrytëzoi këtë njoftim për ti bërë edhe një thirrje qytetarëve që të vazhdojnë të shlyejnë faturat e dritave. Rama theksoi se janë falur vetëm kamatëvonesat, dhe se detyrimet e tjera ndaj Operatorit të Shpërndarjes së Energjisë duhet të vazhdojnë, pasi në të kundërt OSHE rrezikon të futet në krizë.
