E hënë, 16 Nëntor 2026 Film TV deri në 05:45 Në vijim ora 05:45: Takohemi N'vizion Reklamo Kontakt Karriera
Vizion Plus
Politikë

Largimi i shqiptarëve/ Rama i përgjigjet Metës: Në 25 prill qytetarët duhet të shqelmojnë LSI!

Kryeministri Edi Rama ju përgjigj menëjherë presidentit Ilir Meta, pas reagimit të këtij të fundit për largimin e shqiptarëve. Rama bëri thirrje që në 25 prill shqiptarët të largojnë nga politika LSI. Sipas tij, raporti i Organizatës për Bashkëpunim dhe Zhvillim po përdoret për politikë kundër qeverisë.

 

“Propaganda me largimet e shqiptarëve është një shëmti e madhe, që tregon karakterin e natyrën e vërtetë të opozitarëve tanë! A thua se Iliri, Saliu apo Luli e Monika nuk ishin në pushtet me vite të tëra dhe po këta do t’i kthejnë shqiptarët nga rruga, me kallamin e tyre magjik! Por një raport me të dhënat e 5-6 viteve më parë, i përdorur për politikë kundër qeverisë sot nga Presidenti i Republikës, është fiks argumenti pse shqiptarët në 25 prill duhet ta shqelmojnë jashtë organizmit politik të Shqipërisë ndërmarrjen private të LSI-së! Çfarë degradimi!”

 

Më herët Ilir Meta apeloi që në 25 prill shqiptarët të bashkohen për të marrë në dorë fatet e vendit dhe për të ndryshuar realitetin.

Vazhdo të lexosh

Reklamë