Gjatë 24 orëve të fundit nuk është shënuar asnjë viktimë nga koronavirusi në vendin tonë.
Lajmin e mirë e ka dhënë vetë ministrja e Shëndetësisë Ogerta Manastirliu.
Përmes një postimi në “Facebook”, ajo shkruan: “Pas 244 ditësh, asnjë humbje jete sot”.
Ndërkohë, janë identifikuar 15 raste të reja, nga 2,691 testime të kryera.
Aktualisht në spitalet COVID po trajtohen 43 pacientë, nga të cilët 7 ndodhen në terapi intensive.
Sa iu përket të shëruarve, 71 qytetarë arritën ta fitonin betejën me virusin orët e fundit.