Ambasadorët e Shteteve të Bashkuara të Amerikës dhe të Bashkimit Evropian përgëzuan Parlamentin këtë të enjte për miratimin e Altin Binajt si gjyqtar të Gjykatës Kushtetuese. Yuri Kim e quajti këtë një lajm të madh, ndërsa kërkoi nga Këshilli i Emërimeve në Drejtësi të dërgojë listën edhe te Presidenti.
“Lajm i madh: Parlamenti miratoi gjyqtarin për Gjykatën Kushtetuese. Tani ka nevojë për 1 gjyqtar tjetër për Gjykatë Kushtetuese funksionale. Ne shpresojmë që KED të dërgojë listën e kandidatëve te Presidenti. Kjo është një arritje madhore e cila do të lëvizë një hap më afër BE-së dhe reflekton bashkëpunimin e fortë të KED, Presidentit dhe Kuvendit.”
Të njëjtën kërkesë kishte edhe Luigi Soreca për KED.
“Sot Parlamenti Shqiptar ka caktuar Z. Altin Binaj si anëtar të Gjykatës Kushtetuese, duke u bazuar në opinionin e qershorit të kaluar nga Komisioni i Venecias. Kjo sjell funksionalitetin e plotë të Gjykatës. Ishtë thelbësore tani që KED të finalizojë pa vonesë listat për anëtarët e tjerë që do të emërohen nga Presidenti. Funksionaliteti i plotë i Gjykatës është një hap kryesor për të kompletuar listën e kushteve të nevojshme për fillimin e KPGJ-së së parë për bisedimet e pranimit midis Shqipërisë dhe BE.”
