Kuvendi i PD/ Ristani i “përvishet” Bashës: Vendi ka nevojë ulëritëse për opozitë të vërtetë
Ish-sekretari i Përgjithshëm i Partisë Demokratike, Arben Ristani ka ironizuar Kuvendin Kombëtar të PD që u mbajt ditën e djeshme.
Përmes një postimi në “Facebook”, një prej kritikuesve të kryedemokratit Basha shkruan se drejtuesit e forcës politike që ai përfaqëson analizuan vjedhjen e kundërshtarit dhe jo veten , duke fshehur të vërtetën.
Më tej, ai nënvizoi faktin që vendi ka nevojë për opozitë të vërtetë dhe alternativa të besueshme.
“Drejtuesit e PD zhvilluan dje “Kuvendin”, për të analizuar vjedhjen e kundërshtarit, duke mos gjetur forcën, kurajën dhe përgjegjshmërinë, për të analizuar veten. Fshehja nga e vërteta me metodën e Strucit, nuk do i çojë larg. Vendi ka nevoje ulëritëse për opozite të vërtete dhe alternative te besueshme”, ka shkruar Ristani.
