Elisa Spiropali ka replikuar me Berishën në Kuvend.
Ministrja i është përgjigjur Berishës për akuzat që ky i fundit ka drejtuar ndaj Kryeministrit Rama.
Ministrja e Shtetit për Marrëdhëniet me Parlamentin bëri sërish thirrje ndaj SPAK në lidhje me hetimin ndaj Berishës.
“Përderisa SPAK të sheh jo vetëm të gjallë por edhe me armën ngrehur. Korrupsioni yt ulëret nga Gërdeci te Kopleksi partizani i dhëndrit. Pa përmendur ata që u vranë posht dritares, ulërimat janar për janar nuk mbërritkan në SPAK?”- tha Spiropali.
Ti thua që Edi Rama po i bën presion SPAK. Po ku ka rival më të mirë se ty. Edi rama nuk mund të gjente një rival më të damkosur se ty. Dhe po të ishte për Edi Ramën dhe PS kandidatura jote është edhe më e mirë se asgjëja. Dhe po të ishte për garë politke, bujrumm ku ta gjejmë që të dalësh këtu e të kundërmosh siç ke bërë në 31 vite pa asnjë fre, etikë për të vërtetën. Shqiptarët duan më në fund të çlirohen nga kjo britmë, ulërimë nga kjo gënjeshtër nga ky mashtrim që e sheh politikën vetëm si një arm për të asgjësuar kundërshtarin, jo si një mënyrë për të bërë politkë. Këtë duam ne e këtë po bëjmë. Më erdhi keq që dëgjova edhe një deputete të opozitës së re, që foli me të njëjtën gjuhë me të njëjtin stil. S’ka rëndësi a është grua a është burrë a i vjetër a i ri, flisni të gjithë me të njëjtën gjuhë.” tha Spiropali ndër të tjera.
