Një konflikt pronësie mes kushërinjëve të parë në Lushnje la pas një të vrarë dhe tre të plagosur.
Ngjarja e rëndë ndodhi rreth orës 06:30 të mëngjesit të kësaj të enjteje në fshatin Garunjas, ku dy vëllezërit Kastriot dhe Afrim Hasalla qëlluan me armë gjahu xhaxhain e tyre, 65-vjeçar Shaip Hasalla dhe tre djemtë e tij.
Si pasojë, humbi jetën 30-vjeçari Romeo Hasalla, ndërsa u plagosën babai i tij dhe dy vellezërit, Emiljano dhe Laert Hasalla. Ata u transportuan me urgjencë drejt spitalit për ndihmë mjekësorë.
Dy familjet ishin në konflikt prej kohësh për një tokë buqësore. Hapësirë toke kjo ku viktima së bashku me vëllezërit e tij kishin mbjellë ullinj, por që vitet e fundit ishte kundërshtuar nga kushërinjtë, të cilët pretendonin pronësinë.
Burim pranë grupit hetimor thanë se dy vellezërit Kastriot dhe Afrim Hasalla shkuan orët e para të mëngjesit për të shkulur rënjët e ullinjëve por u përballën me xhaxhain dhe djemtë e tij. Gjatë konfliktit ata hapën zjarr me çifte e më pas u larguan.
Në momentin e krimit dyshohet se ishte aty edhe djali i Kastriot Hasallës, 20-vjeçari Marjus Hasalla, i cili po ashtu u shpall në kërkim nga policia.
Ndërkohë gjatë kontrolleve të kryera në zonë, hetuesit gjetën një armë zjarri tip çifte, që dyshohet se u përdor nga autorët për të kryer krimin.
