Kurbini konfirmon tjetër rast pozitiv/ Situatë e frikshme në Krujë

Shënohet tjetër rast me COVID-19 në Kurbin. Autoritetet konfirmojnë se një punonjëse fasonerie doli pozitive, duke rritur në këtë mënyrë numrin e rasteve në këtë vatër të re.

Burime të konfirmuara thanë për “Vizion Plus” se janë kryer 8 teste të reja gjatë 24 orëve dhe vetëm një ka dalë pozitive. Numri total i rasteve positive në Kurbin shkon kështu në 28, ndërsa pritet që shifrat të përditësohen nga Ministria e Shëndetësisë.

Por nga ana tjetër, kemi një situatë të frikshme në Krujë. Mësohet se në 24 orët e fundit aty janë regjistruar edhe 18 raste të reja nga 30 të dyshuar. Kruja pra është kthyer në një vatër të nxehtë. Gjithsej në vendin tonë ka 609 të infektuar.