Kryeministri Edi Rama u pyet në Forumin e Paqes në Paris edhe për takimin mes presidentit të SHBA-së, Donald Trump, dhe liderit kinez, Xi Jinping, si dhe për raportet mes dy superfuqive.
Rama, me humor karakteristik, tha se nuk kishte pasur kohë të kontaktonte liderët për t’i pyetur mbi planet e tyre, por theksoi se një konflikt mes tyre do të kishte pasoja negative për botën.
“Unë nuk fola me ta sepse siç ju thashë isha në Riad dhe nuk pata kohe ti thosha çfarë do bëni nesër. Por vlerësimi imi është shumë i thjeshtë, çdo marrëveshje mes tyre është i mirë për të gjithë dhe çdo konflikt mes tyre është i keq për të gjithë.
E dini atë thënie që kur Amerika teshtin bota kollet, kur Kina teshtin bota futet në karantinë. Kështu që duhet të bëhen bashkë për më të mirën e botës, ” deklaroi Kryeministri.
/vizionplus.tv
