Majorka e Vedat Muriqit është finalist e parë e kupës së mbretit në Spanjë. Ishullorët mundën me penallti Real Sociedad në shtëpinë e këtyre të fundit në ndeshjen e kthimit pasi koha e rregullt dhe shtesa ishin mbyllur 1 me 1, barazim që në fakt kishte prodhuar edhe takimi i parë.
Ekuilibër perfekt në këtë çift në të dyja ndeshjet gjysmëfinale, e ndaj u desh lotaria e penalltive për të zgjidhur fituesin. Pas një pjesë të parë luajtur në shumicën e kohës pa shumë emocione, në frymën e fundit të Sociad ftoi një penallti por Braiz Mendez u ndal nga portieri mik Greif.
Jo vetëm kaq, por në fillim të pjesës së dytë Majorka i befasoi të gjithë në Anoeta, duke shënuar golin e avantazhit me anë të Gonzales. Baskët reaguan fort dhe ia dolën që përmes presionit të shtuar të barazojnë shifrat me Ojarzabal. Ndeshja shkoi në shtesë aty ku rastet më të pastra i pati ekipi vendas, mirëpo baskët gabuan shumë para portës së Majorkes.
Tek penalltitë ai që nderoi Sociedadin në kohën e rregullt, Ojarzabal ishte i vetmi që gaboi duke i dhënë mundësi Majorkes që të fitonte 5 me 4, ku mes atyre që shënuan ishte edhe Vedat Muriqi. Kjo është hera e 4 për Majorken që shkon në finale e kupës së mbretit, trofe të cilin e ka fituar vetëm njëherë. Në finale ishullorët do të presin një mes Atletiko Madrid ose Atletik Bilbaos./vizionplus.tv
