Kryeministri grek Kyriakos Mitsotakis shprehu mosmiratimin e Greqisë për qëndrimin dhe veprimet e presidentes së Maqedonisë së Veriut, Gordana Silianovska, e cila u betua në emër të “Maqedonisë” dhe jo “Republikës së Maqedonisë së Veriut” siç parashikohet nga Marrëveshja e Prespës.
Mitsotakis në postimin e tij në Facebook flet për një “iniciativë të paligjshme dhe të palejueshme” dhe “një akt që shkel Marrëveshjen e Prespës dhe vetë Kushtetutën e shtetit të saj.
Lexo edhe :
Related Posts
“Greqia refuzon manipulime si ato me të cilat zonja Silianovska po hap mandatin e saj. Ne themi kategorikisht se nuk do të pranojmë lapsuse të ngjashme. Dhe përsërisim se çdo përparim në marrëdhëniet dypalëshe, si dhe çdo hap i ndërmarrë nga Shkupi drejt Evropës, varet nga respektimi i sinqertë i marrëveshjeve. Nga përdorimi i drejtë i emrit kushtetues të shtetit fqinj”, tha Kyriakos Mitsotakis.
Presidentja e re e Maqedonisë së Veriut, Gordana Silianovska, besnike ndaj deklaratave të saj parazgjedhore, në ceremoninë e djeshme të betimit në Kuvendin e Shkupit, e ndryshoi betimin dhe në vend që të betohej si presidente e Republikës së Maqedonisë së Veriut, duke lënë jashtë, ajo u betua si presidente e “Republikës së Maqedonisë”. Kështu ajo shkaktoi krizën e parë me Greqinë pasi ambasadori grek S.Filippidou kishte marrë udhëzime nga Athina dhe ishte larguar nga ceremonia. /vizionplus.tv
