Kryemadhi takon Glover, i dorëzon dosjen me shkeljet e zgjedhjeve të 30 qershorit
Kryetarja e LSI, Monika Kryemadhi u takua këtë të mërkurë me ambasadoren e OSBE/ODIHR, Audrey Glover.
Gjatë takimit Kryemadhi vuri në dukje paligjshmërinë e zgjedhjeve të 30 qershorit.
Drejtuesja e LSI hodhi akuza edhe në drejtim të KQZ se, sipas saj, interpretoi ligjin sipas dëshirave të kryeministrit Rama dhe Partisë Socialiste duke e zhytur procesin elektoral në Shqipëri në një krizë të rëndë.
Duke I cilësuar votimet si të papranushme, Kryemadhi njoftoi ambasadoren Glover se LSI nuk e njeh rezultatin.
Por krahas këtyre qëndrimeve, selia e LSI, bën me dije se Kryemadhi I dorëzoi ambasadores së OSBE/ODIHR një dosje voluminoze me fakte ku tregohen të gjitha manipulimet e zgjedhjeve të 30 qershorit.
Gjithashtu Kryemadhi pohoi para Glover se kjo dosje do të vazhdojë të zgjerohet me fakte të tjera të cilat po ofrohen nga burime të shumta informacioni, qytetarë, organizata, etj.
