Drejtuesja e LSI, Monika Kryemadhi zhvilloi këtë të premte një takim me strukturat e LRI-së në njësinë Nr.2 në Tiranë.
Kryemadhi tha se shteti shqiptar është kalbëzuar pasi, sipas saj, krimi ka futur duart në ekonominë e vendit.
Ajo tha se opozita nuk do të ndalet dhe se të qenurit me LSI do të thotë të jesh vetëvetja.
“Në qoftë se krimi i organizuar ka futur duart në shëndetësisë ka marrë paratë dhe ndërkohë të gjithë mjekët në kushtet mizerabele marrin plaçkat dhe iki në Gjermani. Krimi i i organizuar ka hyrë në ekonomi dhe ju po e shikoni sesi shumë ekonomi janë falimentuar. Ka ndodhur një kalbëzim i shtetit që nuk ekziston më. Nuk do ndalemi, tani puna jonë është me njerëzit. 94 % e shqiptarëve mendojnë se Shqipëria është më e varfër se ç’ka qenë. Edhe socialistët, edhe ata që nuk votojnë kurrë mendojnë si ne. Të qenurit me LSI-në do të thotë të jesh vetvetja.”
