Ministri i Jashtëm grek Jorgos Katrougalos ka pritur në një takim përfaqësues të minoritetit grek në Shqipëri, ish deputetin e LSI Vangjel Tavo dhe kryetarin e Partisë Bashkimi për të Drejtat e Njeriut Vangjel Dule.
Sipas qeverisë greke pa u respektuar të drejtat e minoritetit në Shqipëri nuk ka çelje në negociatave.
MINISTRIA E JASHTME GREKE
Ministri i Jashtëm i Greqisë bëri të qartë edhe një herë se respektimi i të drejtave të Pakicave Kombëtare Greke është e lidhur drejtpërdrejt me perspektivën europiane të Shqipërisë, si një pjesë integrale e pesë prioriteteve kryesore të Shqipërisë për fillimin e negociatave me Bashkimin Europian.
Mospranimi nga ana e Komisionit Qendror të Zgjedhjeve i kandidaturës së Fredi Beljerit për kryetar të Bashkisë së Himarës sipas Athinës zyrtare, është i pabazuar në ligj.
MINISTRIA E JASHTME GREKE
Çështja e zgjedhjeve vendore në Shqipëri u diskutua gjithashtu në kuadër të zhvillimeve politike në Shqipëri. Vendimi i fundit i Komisionit Qendror të Zgjedhjeve të Shqipërisë nuk ka bazë ligjore dhe se duhet të sigurojë përfaqësimin politik të minoritetit grek në zgjedhjet vendore në Himarë.
Ndërkohë Greqia prêt zgjidhje edhe për çështjen e regjistrimit të pronave në jug.
MINISTRIA E JASHTME GREKE
Ministri i Jashtëm theksoi gjithashtu mbështetjen aktive të Greqisë për të mbrojtur të drejtat pronësore të grekëve në Shqipëri, sipas të drejtës evropiane dhe ndërkombëtare. Në këtë kontekst dhe pas publikimit të vendimeve të fundit të Qeverisë Shqiptare, Greqia pret diçka të shpejtë dhe efikase për të lejuar minoritarët të regjistrojnë pronat e tyre, pasi shumë prej tyre janë duke u përpjekur pa sukses për dekada të tëra.
Theksi i veçantë nga ana e kryediplomatit grek u vu në regjistrimin e popullsisë ne vitin 2020, i cili duhet të garantojë të drejtën për vetëdeklarim. Athina zyrtare mbështet të drejtën e vetëdeklarimit të lirë të anëtarëve të minoritetit grek në të gjithë territorit e Republikës së Shqipërisë.
