Jemi në kulmin e sezonit turistik, por ky vit nuk mbart entuziazmin e një viti më parë. Turoperatorët që sjellin turistë të huaj në vend konfirmojnë uljen e kërkesave dhe shkaktari kryesor mbetet klima e tensionuar politike si dhe fakti që 2019 ishte një vit zgjedhor.
Përtej disa anulimeve pranverore, bizneset e fushës thonë se kontrata e lidhura gjatë verës janë në proces zbatimi ku peshën kryesore vijon ta mbajë Durrësi. Por ajo që konstatohet është trendi rënës i interesimit të huajve që vijnë në mënyrë individuale.
2018 shënoi një bum në sektorin e turizmit, ku bizneset thonë se refuzuan kërkesat që vijnë nga partnerët, për shkak të mungesës së kapaciteteve. Por në 2019 ishin të huajt ata që u treguan skeptik për të zgjedhur Shqipërinë.
