Subscribe

Ambasadori i Italisë, Alberto Cutillo ka komemntuar krizën politike në Shqipëri.

 

Nga Shkodra, ambasadori tha se votimet në vend kanë rëndësi dhe se janë votuesit ata që vendosin se kush do të qeverisë.

 

I ndalur tek qëndrimet e palëve politike nëse duhen të shtyhen apo jo zgjedhjet, Cutillo deklaroi se një gjë e tillë është e vështirë të përcaktohet pasi kërkohen ndryshime në Kodin Zgjedhor.

 

“Ne Shqipëri kemi ardhur ne një moment bojkoti te disa partive. Është e vështirë të thuhet nëse duhen shtyre, apo mbajtur, mos të harrojmë se ka nevoje për ndryshime të kodit zgjedhor. Janë votuesit ato që mendojnë se kush duhet të qëndrojë apo jo dhe vetëm me votë vendoset kjo dhe asnjë ambasador s’mund ta thotë këtë. Kriteret në bazë të cilave që duhet marrë progresi është më shumë drejtësia nëse është bërë apo jo. Nga ana politike patjetër që rëndësi kanë edhe votimet sepse s’jemi duke bërë tregti me Shqipërinë por po bëjmë diçka shumë të madhe dhe do të ishte e mangët që negocimi të ndalohet vetëm në disa pika siç mund të jetë tregtia. Kemi dëgjuar deklarata të BE që dënojnë situatën në të cilën ndodhet Shqipëria dhe që thonë nuk është momenti. Këshilli i Evropës është i njëjtë pavarësisht se kanë ndikim partitë demokratike ekstreme që janë rritur në parlamentin e BE.”

 

Ambasadori më tej u ndal edhe tek integrimi i Shqipërisë në BE. Ai deklaroi se tre janë mundësitë që KE të hapë në mënyrë unanime negociatat me vendin tonë.

 

“3 janë mundësitë që KE në mënyrë unanime të hapë negociatat, ky është vendimi që Italia dëshiron por nuk jemi të sigurt nëse është një vendim unanim dhe nëse ndodh kjo caktohet një datë që mund të jetë ndoshta në fund të vitit për shkak të disa gjërave teknike. Mundësia e dytë është një përgjigje negative dhe KE thotë që pavarësisht ndryshimeve nuk janë realizuar detyrat e lëna dhe në këtë rast KE mund të thotë asgjë duke mos kthyer përgjigje ose mund të thuhet se çfarë duhet bërë tjetër. Mundësia e tretë është që KE ta shtyjë më vonë vendimin dhe kjo mund të ndodh sepse koha mes 29 majit dhe 20 qershorit është kohë e shkurtër, rreth një muaj dhe kush i ka parë raportet e BE janë shumë voluminoze dhe duhet kohë për t’i shqyrtuar dhe opsioni i tretë nuk do ishte i çuditshëm nëse ndodh.”

One thought on “Kriza politike/ Ambasadori italian: BE nuk është duke bërë tregti me Shqipërinë

  1. Ndërkombëtarët po bëjnë eksperiment me shqipërinë e shqiptarët duan të shohin si përfundon kjo situatë dhe pastaj ta përdorin në vënde tjera

Leave a Reply

Your email address will not be published. Required fields are marked *