Për anëtarin e Këshillit Kombëtar të PD-së, Fatbardh Kadilli, një kompromis mes Berishës dhe Bashës do të sillte fundin e partisë.

 

Në një lidhje direkte me edicionin qendror të lajmeve në “Vizion Plus”, ai theksoi se kriza në PD mund të zgjidhet vetëm përmes krijimit të një ekipi të ri politik, pa Berishën dhe Bashën.

 

“Shpresoj që pjesa dërrmuese të ketë pasur mundësinë të përthithnin mesazhin. Qëllimi i mesazhit ishte që demokratët të marrin një përgjigje per krizën. Kriza ka vetëm një një zgjidhje: largmi i Bashës dhe përmbajtja e Berishës për të mos kandiduar. Ata janë të mundur, nuk është e arsyeshme që partia të çahet për egon e tyre. Duhet të përfshihemi në betejën për të krijuar një ekip të ri politik, të panjollosur…Do uroja që kurrë mos të kishte një kompromis mes tyre. Sot, PD është në udhëkryq, por ka qenë edhe më keq. Një marrëveshje mes të dyve është një vdekje për PD-në.”

 

I pyetur nga gazetari Roland Zili nëse mund opozita t’i fitojë zgjedhjet në këto kushte, Kadilli u shpreh se: “Nuk mund t’iu servirim të njëjtën gjellë shqiptarëve, ne duhet të dalim me një propozim të ri. Që të jetë një ekip i ri politik, pa Berishën dhe Bashën. Një ekip që propozon një PD të re, me vlerat e asaj që Shqipëria kërkon sot. Basha dhe Berisha nuk janë shumica, ata thjesht zotërojnë një pjesë të mirë të pushtetit në PD. Ata nuk janë partia. Unë jam i gatshëm që të kontribuoj për t’iu propozuar demokratëve një opozitë të re.”

Leave a Reply

Your email address will not be published.