Kreu i ARRSH merret i pandehur, Gentian Gjyli dhe katër zyrtarë të tjerë akuzohen për shkelje të barazisë në tendera

Merret i pandehur kreu i Autoritetit Rrugor Shqiptar, Gentjan Gjyli. Mbi të rëndon akuza e shkeljes së barazisë në tendera në bashkëpunim.

Mëngjesin e kësaj të hëne ai u paraqit në Prokurorinë e Posaçme Kundër Korrupsionit e Krimit të Organizuar për të firmosur dijeninë se po hetohet për veprën penale për të cilën SPAK e dyshon.

Lexo edhe :

Related Posts

SPAK del me reagimin zyrtar për hetimin ndaj kreut të ARRSH dhe 4 ish zyrtarëve të tjerë

Përmes burimesh Vizion Plus mëson se të pandehur janë marrë pesë persona, mes të cilëve edhe ish- drejtuesi i ARRSH, Evis Berberi dhe anëtarët e Komisionit të Vlerësimit të Ofertave.

SPAK ka dyshime se është shkelur ligji për tenderin e  Ndërtimit të tunelit të Llogarasë, me vlerë afro 190 milionë euro.

Të premten, 31 tetor, thirrjes së SPAK iu përgjigj edhe Ministrja e Infrastrukturës, Belinda Balluku.  Prokuroria i komunikoi edhe numrit dy të qeverisë akuzën e shkeljes së barazisë në tendera.