E enjte, 19 Nëntor 2026 Te Paekspozuarit deri në 23:30 Në vijim ora 23:30: Lajmet e Fundit dhe Moti Reklamo Kontakt Karriera
Vizion Plus
Breaking përditësuar 1 orë më parë
Vendi

KPA e shkarkoi nga detyra dhe e përjashtoi për 15 vite nga sistemi i drejtësisë, reagon Alfred Balla për Vizion Plus

Kolegji i Posaçëm i Apelit (KPA) shkarkoi nga detyra ditën e sotme kreun e Këshillit të Lartë të prokurorisë, Alfred Balla, si dhe e ka përjashtuar me 15 vite nga sistemi drejtësisë.

I kontaktuar nga gazetarja e Vizion Plus, Blerina Cene, ish-kreu i KLP Afred Balla, tha se do ta apelojë vendimin në Gjykatën Ndërkombëtare të të Drejtave të Njeriut në Strasburg.

Trupa gjykuese pranoi ankimin e Komisionerit Publik duke thënë se Alfred Balla ishte subjekt rivlerësimi, por hoqi dorë nga detyra me vullnet të lirë, duke mos iu nënshtruar kështu procesit të vettingut.

“Trupi gjykues e gjen të drejtë ankimin e Komisionerit publik duke konkluduar se vendimi i KPK-së është i pabazuar në fakte e ligj dhe si I tillë duhet ndryshuar. Trupi gjykues me shumicë votash vendos ndryshimin e vendimit nr 675 të KPK-së si më poshtë: Ndërprerjen e procesit të rivlerësimit për Alfred Ballën. Subjekti i vlerësimit nuk mund të emërohet gjyqtar apo prokuror i çdo niveli, anëtar i KLP-së apo KLGj-së, inspektor i lartë i drejtësisë apo prokuror i përgjithshëm për një periudhë 15 vjeçare”, thuhet në njoftim.

Vendimi u dha nga trupa gjykuese e përbërë nga Ina Rama kryesuese, Albana Shtylla relatore, Natasha Mulaj, Rezarta Schuetz, Sokol Çomo anëtarë./vizionplus.tv

Vazhdo të lexosh

Reklamë