Maqedonia e Veriut ende nuk ka një marrëveshje konkrete me Bullgarinë që do të çonte në zhbllokimin e procesit të integrimit në Bashkimin Evropian. Kështu u shpreh kryeministri maqedonas, Dimitar Kovacevski, duke shtuar se gjuha dhe identiteti nuk janë në tryezën e negociatave.
DIMITAR KOVACEVSKI
KRYEMINISTËR I MAQEDONISË SË VERIUT
“Për momentin komunikimi është mes ministrive. Po shkëmbehen idetë. Nuk ka dokument përfundimtar që mund të jetë i pranueshëm për të dyja palët. Gjuha dhe identiteti i popullit maqedonas, nga çdo aspekt, as nuk është i negociueshëm, dhe as nuk do të jetë objekt i negociatave. Qytetarët në atë pjesë mund të jenë të qetë.”
Kovacevski u ndal edhe te regjistrimi i popullsisë, duke e cilësuar atë si të suksesshëm, pasi sipas tij është bërë me metodologji të miratuar nga Eurostat.
DIMITAR KOVACEVSKI
KRYEMINISTËR I MAQEDONISË SË VERIUT
“Është një model i kombinuar i regjistrimit që përdor nëntë baza të dhënash nga institucione të ndryshme. Ka një rënie të numrit të popullsisë dhe për këtë arsye ky regjistrim është i rëndësishëm, për të krijuar politika ekonomike që do të kthehen në kapitalin njerëzor, dhe do të hapin mundësi të reja, veçanërisht për të rinjtë.”
Ministria e Punëve të Jashtme e Bullgarisë ka hedhur dyshime mbi rezultatin e censusit në Maqedoninë e Veriut, i cili tregoi se janë vetëm 3500 qytetarë janë deklaruar si bullgarë.