Fundjavat e fundit të gushtit kanë sjellë mijëra kosovare drejt plazheve të Shqipërisë. Fluksi i makinave ka krijuar trafik kilometrik pranë urës së re të Kukësit, e cila ende nuk është hapur.
Pushuesit nga Kosova më së shumti kanë si destinacion plazhet e Shëngjinit dhe të Velipojës.
Nga ana tjetër fluks e radhë janë krijuar edhe në pikën e kalimit kufitar të Qafë-Thanës.
Burime bëjnë me dije se vetëm gjatë 24 orëve, nga Maqedonia e Veriut në drejtim të vendit tonë, kanë hyrë 7350 shtetas. Për të përballuar fluksin autoritete në të dyja anët e kufirit punohet me 5 sportele dhe me procedurë të përshpejtuar.
Ndërsa në pikën e kalimit kufitar të Kapshticës kanë hyrë e kanë dalë më tepër se 7800 shtetas gjatë orëve të fundit./vizionplus.tv
