Kosova akuzon Serbinë për sulmin, Kurti dhe Osmani: Përpjekje të dëshpëruara që nuk do të kenë sukses! Beogradi mohon përfshirjen

Autoritetet e Kosovës kanë akuzuar drejtpërdrejt Beogradin zyrtar për sulmin e të premtes në infrastrukturën kritike të vendit.

Në një konferencë të jashtëzakonshme në mesnatë, kryeministri Kurti tha se të gjitha të dhënat tregojnë se fqinjni verior qëndrion pas shpërthimit.

Lexo edhe :

Related Posts

Arrestime për sulmin terrorist, Kurti: Shpërthimi në kanalin me ujë u krye nga profesionistë të mbështetur nga Serbia

Rama dënon sulmin terrorist: Një akt kriminal që cënon jetën e qytetarëve. Bashkimi Evropian të heqë sanksionet ndaj Kosovës

Shpërthimi në Zubin-Potok, Begaj bisedë me Presidenten Osmani: Dënoj ashpër aktet terroriste me lëndë eksplozive

Sipas Kurtit të tre sulmet e fundit të komunën e Zubin-Potokut nga ana e strukturave serbe kanë për qëllim nxitjen e frikës dhe pasigurisë te qytetarët.

“Përpjekjet e këtilla do të ngelen të dëshpëruara. Kushtetutshmëria, sundimi i ligjit, rendi dhe populli, Republika jonë, nuk do të mund të mposhten asnjëherë nga askush”, deklaroi Kurti.

Preiddentja e vendit, Vjosa Osmani gjithashtu reagoi duke fjaësuar Serbinë për sulmin.

Përmes një reagimi në rrjetet sociale Osmani tha se bandat kriminale serbe kanë humbur në çdo betejë me institucionet e Kosovës.

Akuzat e Prishtinës u mohuan nga ministri serb i punëve të jashtme Marko Gjuric.

“Regjimi etnonacionalist i Kurtit është nxituar ta drejtojë gishtin drejt Beogradit pa prova. Ne besojmë se akuza të tilla të parakohshme janë devijim i qëllimshëm, që potencialisht mund të tregojë përfshirjen e regjimit të Albin Kurtit”, deklaroi ministri serb.

Komuniteti ndërkomëbtar në Prishtinë ka reaguar njëzëri duke dënuar fuqishëm sulmin në infrastrukturën Kritike të Kosovës e duke shprehur mbështetjen për autoritetet e vendit për zbardhjen e plotë të ngjarjes dhe vendosjen përpara drrejtësisë të personave përgjegjës./vizionplus.tv