Komisionerja Europiane për Zgjerim, Marta Kos, në një intervistë për televizionin gjerman “WELT TV” është pyetur për procesin e integrimit në BE të vendeve të Ballkanit perëndimot.
Ajo theksoi se Shqipëria është një nga vendet e Ballkanit Perëndimor e cila ka mundësi reale për mbylljen e negociatave brenda vitit 2027 dhe të anëtarësohet në BE brenda vitit 2030-të.
Pjesë nga intervista:
WELT: Duke pasur parasysh zhgënjimin e disa shteteve të Ballkanit Perëndimor në lidhje me këtë afrim relativisht të shpejtë me Ukrainën. Si mendoni të siguroheni që vende si Bosnjë-Hercegovina ose Maqedonia e Veriut të mos ndihen të lëna pas dore?
KOS: Mund ta kuptoj shumë mirë zhgënjimin, pasi edhe unë vij nga kjo zonë. Dhe vetëm për t’ju dhënë një ide, nëse Ukraina do të duhej të priste aq gjatë sa Maqedonia e Veriut, ne do të fillonim negociatat me Ukrainën në vitin 2045. Dhe kjo nuk mund të ndodhë. Kjo vlen edhe për shtetet e Ballkanit Perëndimor. Ato duhet të zbatojnë reformat. Dhe ka një element tjetër të rëndësishëm në të kaluarën. Në vitet e fundit, zgjerimi nuk ka qenë aq i rëndësishëm për Komisionin Europian. Nuk ishte një përparësi. Tani është prioritet. Edhe shtetet anëtare e thonë këtë. Kemi Malin e Zi dhe Shqipërinë, për shembull. Ato po punojnë shumë mirë. Ato po bëjnë reformat. Ato po e kuptojnë procesin e zgjerimit si një transformim të ekonomisë së tyre, duke përfshirë edhe zona të tjera në vend. Dhe, për shembull, nëse gjërat vazhdojnë të shkojnë mirë, ne mund të përfundojmë të gjitha negociatat me Malin e Zi deri në fund të vitit 2026 dhe më pas me Shqipërinë në fund të vitit 2027. Kjo do të thotë se ka mundësi realiste që të dyja vendet të bëhen anëtaret tonat të reja deri në vitin 2030.
Europe must take its security in its own hands.#EUEnlargement is central to this endeavour.
With Ukraine delivering on its commitments, it’s now time to take the next step and open the first negotiating cluster.
My interview @welt ⤵️https://t.co/FehHE5oA75
— Marta Kos (@MartaKosEU) May 23, 2025
Gjithashtu Kos theksoi se Bashkimi Europian është nëmbëhstetje të Ukrainës për tu bërë pjesë e familjes së madhe europiane.
