Ambasadorja e SHBA-ve në Shqipëri, Yuri Kim, gjatë fjalës së saj në Forumin Ekonomik të Tiranës, foli për rëndësinë e reformave, kryesisht në luftën kundër korrupsionit, si në gjyqësor dhe në politikë.
Me plotësimin e këtyre reformave, sipas saj, gjërat për Shqipërinë dhe rajonin mund të ndryshojnë.
Diplomatja theksoi se ka shumë shpresë tek Shqipëria dhe Ballkani Perëndimor, por duhet rrezikuar dhe sakrifikuar.
“Shqipëria ka treguar se mund të jetë e fortë edhe në forumin ndërkombëtar. Siç e kanë bërë të qartë Presidenti Biden dhe Sekretari Blinken, është e domosdoshme që vendet me të njëjtin këndvështrim të bashkohen për të kundërshtuar përpjekjet e Kinës për të minuar sistemin ndërkombëtar – rregullat, vlerat dhe marrëdhëniet – që kemi luftuar kaq shumë për t’i krijuar. Shqipëria ka qenë një udhëheqëse në mbrojtjen e infrastrukturës së saj kritike nga aktorët keqdashës, duke përfshirë edhe zmbrapsjen e pajisjeve teknologjike nga Huaëei dhe ZTE. Lejimi i furnitorëve kinezë të telekomunikacionit si Huaëei ose ZTE të marrin pjesë ose të kontrollojnë ndonjë pjesë të një rrjeti 5G, krijon rreziqe të papranueshme për sigurinë kombëtare, infrastrukturën kritike, privatësinë dhe të drejtat e njeriut. Ne i përshëndesim veprimet e Shqipërisë dhe nxisim të tjerët të ndjekin shembullin e saj. Kam shumë shpresë te Shqipëria dhe rajoni, por nuk është pa rrezik dhe sakrifica gjatë rrugës. Me reforma të vazhdueshme, veçanërisht në luftimin e korrupsionit dhe të pandëshkueshmërisë, gjërat mund të ndryshojnë, dhe do të shohim më shumë mundësi për Shqipërinë, si dhe për të gjithë rajonin.”
