E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Breaking 1/2 përditësuar 17 minuta më parë
Video · Politikë

“Korrupsioni, jo vetëm betejë e SPAK”, Dumani: Janë ngritur akuza ndaj njerëzve me peshë politike

Në një takim me studentët e universitetit të Durrësit, kreu i SPAK Altin Dumani tha se korrupsioni nuk është vetëm lufta e Prokurorisë së Posaçme, por duhet të jetë lufta e të gjitha institucioneve dhe pa diskutim edhe e vetë shoqërisë.

Edhe pse një institucion që është ngritur vetëm disa vite më parë, Dumani deklaron se sot SPAK është në funksion të plotë.

Në perfundim të mandatit, Dumani shprehet i kënaqur me arritjet e këtij institucioni në drejtimin e tij duke theksuar se SPAK ka ngritur akuza për njerëz me peshë të madhe politike që nga kryetare bashkish, deputetë, e deri tek ministrat.

“Ajo që është më e rëndësishme, është fakti që për 50 përqind të personave ndaj të cilëve SPAK ka ngritur akuzë, ka pasur edhe vendim gjykate”, tha Dumani.

Altin Dumani ditën e martë të javës së ardheshme do t’ia dorëzoj stafetën Klodian Brahos, që për tre vitet e ardheshme do të drejtojë strukturën e posaçme kundër korrupsionit dhe krimit të organizuar./vizionplus.tv

Më shumë video

Reklamë