Të gjitha aktivitetet sportive, kulturore, tubimet, koncertete, dëgjesat publike do të pezullohen deri në datën 3 prill.
Kryeministri Edi Rama tha në mbledhjen e qeverisë këtë të hënë se nuk do të ketë akivitete me turmë njerëzish paraprakisht për dy javë. Më pas do të shihet sesi do të vazhdojë situata me koronavirusin dhe do të vendosen masa të reja.
“Ne besojmë që është momenti të mbyllim të gjitha institucionet arsimore dhe të kërkojmë anulimin e të gjitha grumbullimeve masive, kulturore, sportive, tubime, koncerte, aktivitete, dëgjesave publike, deri në datën 3 prill, për ta parë dinamikën e këtij zhvillimi dhe pastaj për të vendosur për më tutje.”
Qeveria vendosi edhe që të mbyllen shkollat për dy javë dhe të pezullohen fluturimet me Italinë e Veriut.
