Zëdhënësi Tedi Blushi njoftoi se në Presidencë është ngritur një Task Force, nën drejtimin e Këshilltarit për Sigurinë Kombëtare z.Bahri Shaqiri, me qëllim.
Në një postim në “Facebook”, Blushi theksoi se kjo task forcë është ngritur në kuadër të përballimit dhe tejkalimit me pasoja sa më të lehta të pandemisë së koronavirusit që ka prekur vendin tonë, duke patur prioritet shëndetin e çdo qytetari shqiptar.
Po ashtu, Blushi ka vënë në dispozicion edhe numra celularë për publikun që kanë shqetësime dhe nuk marrin trajtimin e duhur.
“Në kuadër të përballimit dhe tejkalimit me pasoja sa më të lehta të pandemisë së coronavirusit që ka prekur vendin tonë, duke patur prioritet absolut shëndetin e çdo qytetari të Republikës së Shqipërisë, në institucionin e Presidentit të Republikës është ngritur një Task Force, nën drejtimin e Këshilltarit për Sigurinë Kombëtare z.Bahri Shaqiri, me qëllim: Bashkërendimin me të gjitha strukturat shtetërore; Monitorimin në terren, nxitjen dhe marrjen e të gjithë masave institucionale për përballimin e kësaj pandemie; Aktivizimin dhe afrimin e të gjitha mundësive, kapaciteteve dhe forcave të kualifikuara njerëzore dhe shkencore, shumë të nevojshme. Ftojmë të gjithë qytetarët të cilët kanë shqetësime, nuk marrin trajtimin e duhur mjekësor, nuk u kushtohet vëmendja e duhur dhe konstatojnë nënvlerësime në marrjen e masave të domosdoshme, të na kontaktojë pa hezitim në adresën e email të vendosur në dispozicion: [email protected] Si dhe në dy numrat celularë:+355693435861, +355693354269 Të gjithë të tregojmë përgjegjshmëri dhe bashkëpunim maksimal! SË BASHKU PËR TË MBROJTUR SHËNDETIN E ÇDO QYTETARI!”
