Një invalid është aksidentuar sot ne aksin rrugor Korçe-Pogradec, teksa me karrocën e tij tentonte te kalonte rrugën nga fshati Pirg drejt fshatit Zvirine. Dhimitraq Baruti 43 vjeç është përplasur nga një autobus i linjës Tirane-Athine.
Burimet nga policia thonë se autobusi i drejtuar nga një 32-vjeçar ishte duke ecur me shpejtësi tej normave te lejuara ne një zonë të banuar. Përplasja ka qene e forte aq sa 43-vjeçari se bashku me karrocën e tij, ka përfunduar ne një kanal anës rrugës, duke marre plage te shumta. Ai është transportuar menjëherë për ne spitalin rajonal te Korçës ku edhe ndodhet ne gjendje te rende shëndetësore.
