Policia Rrugore e Korçës në kuadër të planit të masave për rritjen e parametrave të sigurisë në rrugë dhe parandalimin e aksidenteve, kanë ushtruar kontrolle në akset rrugore të gjithë Qarkut.
Sipas policisë nga plani operacional janë kontrolluar gjithsej 820 automjete të transportit publik, ku janë vendosur 23 masa administrative për gjykim në OASH për pasagjerë mbi kapacitetin e lejuar.
Gjithashtu janë vendosur 16 masa administrative për mjetet (e kapacitetit 4+1) që operonin si taksi të paliçensuara dhe 20 masa të tjera për mungesë të siguracionit dhe kontrollit teknik.
Ndërkohë vijon të zbatohet plani i veprimit për drejtuesit e mjeteve motorrike çikolomotorë, motomjete dhe atyre të modifikuara, për përdorimin e kaskave mbrojtëse dhe pajisjen e tyre me anën dokumentare për të qarkulluar.
Sipas policisë vetrëm këtë javë janë vënë në pranga 12 drejtues mjetesh, 2 nga të cilët për drejtim mjeti në gjendje të dehur dhe 10 të tjerë për drejtim mjeti pa leje drejtimi).
Ndërsa janë vendos 516 masa administrative, janë pezulluar 18 leje drejtimi, nga të cilat 12 për qarkullim në sens të kundërt të lëvizjes dhe 6 të tjera për drejtim mjeti nën ndikimin e alkoolit.
Ndër të tjera në sajë të këtij kontrolli janë ndërshkuar dhe shumë drejtues të tjerë për parkim të gabuar, për të meta teknike në automjetet e tyre si dhe për përdorim të celularit gjatë lëvizjes me makinë.
Kontrolle të tilla, nga ana e punonjësve të Qarkullimit Rrugor do të vazhdojnë edhe në ditët e tjera në vijim.
